Havano, feb 8 (RHK) Kubo progresas en la prizorgado de homoj kaj komunumoj en vundeblaj situacioj, malgraŭ la kompleksa ekonomia situacio, kiun ĝi alfrontas. 

Tion  konfirmis  la altranga estraro de la lando dum renkontiĝo kun institucioj implikitaj en tiu tasko. 

En la renkontiĝo, gvidita de prezidento Miguel Díaz-Canel kaj ĉefministro Manuel Marrero, la agoj kiuj estis faritaj dum 2023 estis taksitaj kiel parto de la ampleksa transformo de komunumoj, grupoj, familioj, hejmoj kaj homoj. 

Laŭ la retejo de la Prezidanteco, en sia parolado la kuba prezidento rekonis progreson en la reakiro de medicinaj oficejoj, la rehabilitado de akvotuboj, kaj la konstruado de trotuaroj kaj stratoj kie antaŭe ne estis. 

Li konstatis, ke inter la agoj faritaj en la komunumoj estas la aliĝo de 25.100 personoj al laboro, el kiuj 8.020 estas junuloj, kaj 2.335 al trejnaj kursoj. Same, 2.698 gejunuloj reaniĝis al la studo kaj 1.390 profitis de la livero de uzufruktaj teroj, li klarigis. 

Aliaj iniciatoj efektivigitaj en la komunumoj inkluzivas la liveron de subvencioj por efektivigi konstruajn agojn, malgrandajn riparojn de hejmoj kaj konstruado de aliaj, elimino de teraj plankoj kaj kontraktoj por la akiro de hejmaj varoj kiel litoj, matracoj kaj mebloj. 

Fonto: PL