Fruktodonaj interŝanĝoj de la kuba vicĉefministro Ricardo Cabrisas en Rusio

Havano, mar 21 (RHK) Laŭ raportoj el la rusa ĉefurbo, la vicĉefministro  kaj ministro pri ekstera komerco kaj ekstera investo de Kubo  Ricardo Cabrisas Ruiz, estis akceptita en la sidejo de la rusa Ŝtata Dumao de ĝia prezidanto Viacheslav Volodin, akompanata de parlamentaj gvidantoj inkluzive de Ivan Mielnikov, unua vicprezidanto de la Ŝtata Dumao kaj Unua Vicprezidanto de la Komunista Partio de Rusa Federacio, kaj Alexander Babkov, Vicprezidanto de la Ŝtata Dumao.

La renkontiĝo estis favora okazo por diskuti lastatempajn progresojn en ekonomiaj, komercaj, financaj kaj kunlaboraj rilatoj inter Kuba Respubliko kaj Rusa Federacio, surbaze de la konsento atingita inter la prezidentoj de ambaŭ landoj, kiuj klasifikis la dulandajn rilatojn kiel strategiajn kaj aliancanajn rilatojn.

S-ro Volodin aludis la bonegan staton de la parlamentaj rilatoj kaj emfazis la kreadon de la Komisiono pri Kunlaboro inter la Ŝtata Dumao kaj la Nacia Asembleo de Popola Povo de Kubo, kiu kunvenis unuafoje pasintjare en Havano. Li diris, ke ĉi tiu mekanismo sekvos la interkonsentojn, kiuj estis atingitaj en la ĵus finita XXI Sesio de la Interregistara Komisiono.

Volodin kaj Cabrisas esprimis la koincidan pozicion de ambaŭ landoj kondamnante la ekonomian, komercan kaj financan blokadon de la Registaro de Usono de Ameriko kontraŭ Kubo kaj la politikon de unuflankaj sankcioj kontraŭ Rusio.