f

Havano, mar 26 (RHK) La ĉefministro de Kubo, Manuel Marrero, emfazis ĉi-lunde la bezonon intensigi la batalon kontraŭ krimo, afero kiun li priskribis kiel transversa pro ĝia efiko en diversaj sferoj de la lando.

Dum la kunveno de la nacia grupo, kiu traktas ĉi tiun aferon, la registarestro  emfazis la gravecon informi la civitanojn ĝustatempe kaj klare pri la alfrontaj agoj, kiuj havas la komunumon kaj urbon kiel ĉefan scenaron.

En la kunveno oni analizis la konduton de eksterordinaraj eventoj ligitaj al la operacio haveno-transporto-hejma ekonomio, kiu malpliiĝis pasintjare, tamen ilia ekonomia efiko kreskis, laŭ artikolo en la retejo Cubadebate.

Pri ĉi tiu afero, Marrero indikis, ke la postulo devas esti plifortigita kaj aldonaj decidoj prenitaj.

La ĉefministro aludis ankaŭ al la lukto kontraŭ drogoj kaj la novaj metodoj uzataj internacie por transporti substancojn, kio faras ilian detekton pli kompleksa.

Konsiderante ĉi tiun scenaron, li klarigis, ke la kariba lando prenis konkretajn rimedojn kun la Ĝenerala Dogano de la Respubliko kaj pliiĝas la konfrontiĝo kun homoj, kiuj vendas ajnan tipon de narkotaĵoj.

"Ĝi estas afero, kiun oni batalas kun  tuta energio, kun tuta puna rigoro, kiel starigita en la lando, sed  ni bezonas ankaŭ la subtenon de la loĝantaro kaj de ĉiuj", li rimarkis.

En la kunveno, estis rivelita, ke la Ministerio de la Interno laboras kune kun Dogano kaj entoj de la Centra Banko por malhelpi kaj alfronti krimajn manifestiĝojn asociitajn kun la interŝanĝo de valutoj en la neformala merkato, kontraŭleĝa trafiko, fraŭdoj kaj financa fraŭdo.