Foto: PL

Havano, aŭg  3 (RHK) La ĉefministro de Kubo, Manuel Marrero, gvidis hodiaŭ la insulan delegacion, kiu omaĝis la Nacian Heroon kaj unuan prezidanton de Angolo, António Agostinho Neto, kaj la kuban komandanton Raúl Díaz Argüelles.

Akompanita de la Armeo-Generalo kaj Heroo de la Respubliko de Kubo, Ramón Espinosa, kaj diplomatiaj oficistoj de la kariba nacio, la estro de Registaro metis florkronon antaŭ la sarkofago de la angola patrioto, kiu konservis grandan amikecon kun la historia gvidanto de la Kuba Revolucio, Fidel Castro.

"Estis granda honoro viziti la Memorialon," Marrero skribis en la honorlibro post turneo de la António Agostinho Neto Memorialo, kie malsamaj ekspozicioj memoras lian vivon kaj laboron.

"Estas emociige vidi tiom da bildoj de la batalanto por la sendependeco de la fratino Angolo. Nome de la Armeo Generalo, Raúl Castro; "de la prezidento, Miguel Díaz-Canel, kaj de la tuta popolo de Kubo ni omaĝas la patron de la sendependeco de Angolo", li aldonis.

Poste, la delegacio translokiĝis al la tombejo Altejo de la Krucoj por omaĝi komandanton Raúl Díaz Argüelles, kiu estis la unua estro de la militmisio de la insulo en Angolo kaj mortis en batalo sur angola grundo la 11-an de decembro 1975.

Reprezentantaro de kubaj kunlaborantoj kaj dungitoj de la ŝtata misio en ĉi tiu lando akompanis la mallongan ceremonion, en kiu ili metis florkronon sur la tumulon, kiu memorigas la batalanton.

Fonto: PL