Foto:@DiazCanelB

Havano, aŭg 7 (RHC) La prezidanto de la Respubliko, Miguel Díaz-Canel, laŭdis ĉi-merkredon la titolon gajnitan de la antila boksisto Erislandy Álvarez en la divido de 63,5 kilogramoj, en la Olimpikoj de Parizo 2024.

"Guapo y fajao, (kuraĝa kaj brava)  kiel oni diras en bona kuba maniero, Erislandy Álvarez gajnis oron, kiu estis pridisputata ĝis la lasta bato", skribis la kuba prezidento en la socia reto X.

Baldaŭ post la sukceso de la boksisto en la franca ĉefurbo, la eminentulo deklaris: “Tiel oni batalas kaj jen kiel oni venkas, eĉ kun la probableco kontraŭ vi. Kun kuraĝo, kun pasio kaj kun ĝojo. "Kubo festas kaj dancas kun vi por tiu bela venko."

Siaflanke, la prezidanto de la Nacia Asembleo de Popola Povo (Parlamento) de Kubo, Esteban Lazo Hernández gratulis la junulon pro lia agado en la Olimpikoj.

“Gratulon Erislandy Álvarez! Via Olimpika Venko en boksado estas alia grandega ĝojo por la Patrujo,” li diris sur la sama platformo.

"Gratulon ankaŭ al la aliaj medalistoj de nia delegacio en ĉi tiu emocia tago," li aldonis.

Ankaŭ la ministro pri eksteraj aferoj, Bruno Rodríguez, festis la oran medalon de Cienfuegos, la duan gajnitan ĝis nun de la kuba delegacio, kune kun tiu de la kvinfoja olimpika greko-romia ĉampiono de lukto, Mijaín López.

"Eksterordinara venko de Erislandy Álvarez por la boksa ora medalo en Parizo 2024," diris la ministro pri eksteraj aferoj de la insulo en X.

"Ni vibris kun emocio kun ĉiu el liaj batoj kaj en ĉiu raŭndo de tiu grandioza finalo", li diris, kaj konsideris la atingon de Álvarez en la ringo ĉe la stadiono Roland-Garros kiel nova triumfo por kuba sporto.

Aliaj aŭtoritatoj sur la insulo aliĝis al la festadoj por la ora triumfo de la boksisto.

Fonto: PL