Foto: PL

Havano, okt 9 (RHK) La Unua Kuba TIC-Komerca Forumo, organizita de la Ministerioj pri Komunikado kaj Eksteraj Aferoj de Kubo, kunvenas hodiaŭ en virtuala formato, per la komputila platformo TrueConf.

Laŭ la Ministerio de Eksterlandaj Aferoj de la antila nacio, la evento "estas parto de la plifortigo de la ligoj inter Kubo kaj ĝiaj ŝtatanoj loĝantaj eksterlande kaj donas kontinuecon al la IV-a Konferenco La Nacio kaj Elmigrado".

Same, ĝi precizigas, ke ĝia celo estas "ĝisdatigi kubanojn loĝantajn eksterlande pri la politikoj kaj strategioj entreprenitaj en la lando koncerne Ciferecan Transformadon kaj Artefaritan Intelekton".

Ĉi tiu spaco, oni aldonas, estos okazo por kunhavi spertojn, interŝanĝi iniciatojn kaj plifortigi kunlaborajn rilatojn kun la kuniĝo de kubanoj en la programara industrio kaj informaj servoj bazitaj en aliaj landoj.

Krome, "la ŝancoj por Eksterlanda Investo en la sektoro estos prezentitaj, kun la celo establi novajn ligojn de kunlaboro, kiuj kondukas al pli ciferecigita lando por la bonfarto de ĉiuj."

Laŭ la programo partoprenos reprezentantoj de la Ministerio de Komunikadoj, de la Unio de Komputilistoj de Kubo, de la Havana Scienca kaj Teknologia Parko kaj de la kuba diplomatio.

Fonto: PL