Havano, nov 26 (RHK) La Prezidanto de la Nacia Asembleo de la Popolpovo, Esteban Lazo Hernández – en uzo de la povoj donitaj al li en la artikolo 111, subsekcio c) de la Konstitucio de la Respubliko –, kunvokis la Kvaran Ordinaran Periodon de Sesioj de tiu ĉi organo, en sia 10-a leĝdona periodo, ekde 9:00 a.m. la 18-an de decembro de la kuranta jaro, en la Havana Kongresa Palaco.

La alvoko, publikigita ĉi tiun 26an de novembro en la retejo de la Kuba Parlamento, estos diskonigita al la deputitoj, la agentejoj de la Centra Administracio de la Ŝtato kaj aliaj respondaj instancoj kaj aŭtoritatoj; same kiel ĝi estos publikigita en la Oficiala Gazeto de la Respubliko kaj aliaj amaskomunikiloj por ĝenerala scio.

Antaŭe, la 16-an kaj 17-an de decembro, okazos la kunvenoj de la konstantaj laborkomisionoj de la kuba leĝdona periodo, kun gravaj temoj en la nacia tagordo.

Fonto: AsambleaCuba