La unua vicprezidento Miguel Díaz-Canel partoprenis la fondkunvenon per kiu estis kreita la Unuiĝo de Kubaj Informadikistoj en la Kongresa Palaco de Havano, kie li elstarigis la gravecon de organizo tiaspeca en la procezo de la socia aktualiĝo.
Díaz-Canel esprimis ke tiu ĉi unuiĝo estas parto de la revoluciaj atingoj kaj ĝia defio estas subteni kaj kontribui al la evoluo de la lando, krom favori la dialogon rilate teknologiajn progresojn kaj la bezonon informatizi la socion surbaze de la principoj de cibersekureco.
La unua vicprezidento emfazis ke estas nepre evoluigi platformon emancipigan por dementi la kapitalistajn kaj senmoraligajn kampanjojn kontraŭ la insulo kiuj estas kreataj en la sociaj retoj.
La estraro de la unuiĝo de kubaj informadikistoj estas formita de la doktorino pri sciencoj Ailyn Febles Estrada, kiel prezidantino, kaj la magistrino María Esther Alfonso, kiel unua vicprezidantino, krom aliaj tri vicprezidantoj kaj kvar estraranoj.
